අත්‍යවශ්‍ය භාණ්ඩ කිහිපයක මිල අසාමාන්‍ය ලෙස ඉහළ යාම සම්බන්ධයෙන් වහා පියවර ගැනීමට ජනපති හා අගමැති ප්‍රධානත්වයෙන් ඇමැති කමිටුවක් පිහිටවූ බව ජනමාධ්‍ය ඇමැති ගයන්ත කරුණාතිලක මහතා පවසයි.

අද (6) පැවැති කැබිනට් තීරණ දැනුම් දීමේ මාධ්‍ය හමුවේදී ඒ බව පැවැසූ ඇමැතිවරයා පොලිස් අධිකාරී කොට්ඨාස ආවරණය වන පරිදි වැටලීම් හා දැනුම්වත් කිරීම් සඳහා කාර්ය සාධක බළකායක් පිහිටුවීමට එම කමිටුව තීරණය කර ඇති බවද කීවේය.

මේ අතර සතියට දෙවරක් අත්‍යවශ්‍ය භාණ්ඩ මිල මාධ්‍ය හරහා ප්‍රචාරය කිරීමට තීරණයක් ගෙන ඇතැයි ද ඇමැති කීය.

අත්‍යවශ්‍ය භාණ්ඩ ඇතුළු භාණ්ඩ 133ක සහ සේවා 21කට වැට් බදු අදාළ නොවන බව නියෝජ්‍ය ඇමැති එරාන් වික්‍රමරත්න මහතා කීවේය.

Share this:

LEAVE A REPLY

Please enter your comment!
Please enter your name here